TE PE Pee Nn GE van dat men van de tafel gekomen is tot den acht uren savonts sullen de knechts ghehouden wesen myn werck te doen, sonder voor hunne eyghen afairen iet te moghen berichten, ten waere my eerst daer van consent gevraght hadden. Sondaghs ende Heylighsdaghen sal den ionghsten kneght gehouden wesen smorghens vroegh te kercke te ghaen, ende maecken thuys te wesen teghen den neghen uren, als wanneer den ouderen oft de oudste kneghten sullen gehouden syn naer de kercke te ghaen ende maecken voor den twaelf uren thuys te syn. Naer den noen sullen gehouden wesen thuys te blyven tot het loftyt, ten waere. van te voren consent ghevraeght hadden om wt te gaen; ende moeten sien altijt by tyts thuys te syn naer behooren. Nootsaeckelycke oft haestighe wercken, vande welcke ick hier voren spreke, syn de naervolghende. Eenighe haestighe memorien wt te setten ende te packen, eenighe haestighe brieven te schryven ende te copieeren, eenighe cooplieden de ghene die komen te gherieven eenighe rekeninghen oft memorien die haestigh syn wt te schryven ende dierghelycke. Voorts sullen de knechten onder malkanderen sien altyt peys vrede ende eendrachtigheyt te houden sonder malkanderen eenighe schimperach- tighe woorden te gheven : oock sullen de ionghste knechten van de oudste gheerne moeten geleert ende vermaendt worden sonder daer eenighe teghent- heyt te bewysen maer de oudste knechts sullen daer in toch hun lieden discretie moeten thoonen dat sy de ionghste met gheene onbehoorlijcke manieren van toenaemens ofte andersints aen en ghaen; waer door sy lieden ten minder respect aen malkanderen souden comen te bewysen. Voorders en begheere niet dat om eenighe kleyne saecke van kleyne paxkens, brieven oft dierghelycke dinghen te bestellen; noch oock om eenighe boecken te helpen wtsetten, de vergaerders terstont geroepen worden : maer dat de knechten van den winckel dat selve doen, ten waere sy door eenighe andere nootsaeckelyckere dinghen sylieden soo belet waeren dat het van noode sou wesen om hulpe te hebben. PARTICULIERE REGELEN. NOPENDE J. OTTENs. Joannes Ottens sal de sorghe hebben vande boecken te houden van de boeckvercoopers ende cooplieden soo van Antwerpen, Francfort ende elders. Item van rekeninghen wt te schrijven, de brieven van binnenslants, Vranckryck, Hollant ende Duytschlandt te schryven. Item te besorghen dat door de andere knechts de memorien wtgeset worden die van buyten komen, ende als het van noode is, gepackt worden. Item sal de sorghe hebben van kleynigheden, die voorvallen te betaelen. Item als eenighe cooplieden komen sal de selve aenspreken ende gherieven ; maer sal niet moeten selve de boecken af haelen oft wt setten ; maer dat door de andere knechten doen doen; ten waere saecken dat de andere aldaer niet teghenwoordigh, oft met andere nootsae- ik mk eene