in sijn betamelijcke plaetse, suyver ende reyn, sonder alle vuylicheyt. Op
de verbeurte van i, stuyver,

VIII (zr) De setters sullen alle haer afgevallen Letteren tweemael des daechs
op rapen ende distribueren, te weten te twelf uren, des middaechs, ende
’tsavonts als sy van haer werck gaen. Die boven ses letteren laet over ligghen,
sal verbeuren i. stuyver.

IX. (2) Soo wie eenighe Letteren neemt wt manden, cassen, oft elders,
die sal ghehouden sijn de selve wel tsamen te voegen, ende in dobbele pam-
pieren te doen die bequaem ende groot genoech daer toe sullen sijn, also
datse niet en vervallen oft te quiste en gaen in eeniger manieren : ende de
ydele pampieren (op sijn behoorlijcke plaetse te legghen) (3). Ende daer en
boven de setters die een soorte van Letteren ghenoech ghebesicht hebben,
suilen ghehouden sijn de selvighe wel te wasschen, ende reynelijck wech
te setten : ende alsoo vele daer of in de casse te distribueren als tot redelijcke
sorteringhe behooren sal, ende de reste (4) oock in dobbel pampier tsamen
te voeghen ende op te binden in redelijcke pagien oft formen, die men met
een volle hant sal moghen grijpen en opheffen, maar niet grooter, ende die
aldus, in goeder voeghen den meester (5) overgheven (6). De formaten,
regletten, houten oft andere ghereetschap tot (een forme) (7) dienende, sullen
de setters die de selvighe ghebesicht hebben, wel vergaderen, opbinden, ende
daer boven op schrijven, waer toe sij gedient hebben, ende alsoo betamelijck
den meester overleveren (8). Op de verbeurte van ij. stuyvers.

4, En yeghelijck setter die tijts ghenoech ghehadt heeft int beghinsel
des Boecx om sijn taecke te voldoen, ende sijn voordeel te nemen : sal ghe-
houden sijn de forme alle daghen over te leveren, om de eerste proeve daer
op te maken (die sdaechs daer na ghedruct sal moeten worden) een ure na
dat de Drucker sijn ghedructe forme over ghelevert heeft : dwelck nochtans
niet en gheschiedt voor elf uren van den voorgaenden dach, ende die selvighe
forme al ghecorrigeert ten seven ure des avonts om een revisie te maken.
Des ghelijcx de forme die begost sal moeten worden op den middach, sal
moeten ’tsavonts daer voor ghereet sijn om de eerste proeve daer op te maken :
ende dat, een ure na dat de Drucker sijn gedructe forme sal overghelevert
hebben : so dattet nochtans niet en gheschiede voor vijf uren tsavonts : ende

 

(:) In B : art. X.

(2) In Brart. XL

(3) een van den Leeriongers geven wech te dragen.

(4) (drooge wesende).

(5) of synen ghedeputeerden.

(6) ten naesten sondach oft Heylich dach.

(7) de formen.

(8) den selven die den Meester daer toe gheordineert heeft. Op pene
van ij stuyvers.