| Full text |
Van niemant aen sijn werck te terghen als hij droncken is.
Art. 85. Ten selven tijdt is geordonneert soo wanneer iemant dron-
cken zijnde, een ander aen sijn werck comt tergen, oft eenich beletsel aendoen,
sal verbeuren dertich stuyvers.
Dat geen Vrouwen op Druckerije en mogen comen rusie maken.
Art. 86. Anno 1667 den 5 Februari is geordonneert dat geen Vrou-
wen van de Gesellen, van wie het zij, en sullen vermoghen in de Druckerije
te comen rusie oft Crackeel maecken door Clappernije oft andersints, sal den
Man verbeuren de breucke naer gelegentheyt van de saecke.
Van op den selven dach te clagen,
Art. 87. Anno 1668. Den 18 Junius is geordonneert, dat alle de gene
die eenighe klachten hebben te claghen, sullen ghehouden sijn den selven
dach te clagen, ten waer saecken dat het te laet waere, sullen dan gehouden
sijn het selve smorgens aen den schrijver te seggen, andersints sullen de
clachten comen tot last van den klagher.
Breucken in de Camer gewesen, en moghen niet omgevraeght
worden,
Art. 88. Anno 1671, is geordonneert uyt last van onsen Heer ende
Meester, als dat geen breucken oft clachten die in de Camer gewesen sijn
en sullen moghen omgevraeght worden om mede te accorderen.
Niemant en mach bij den Meester gaen als den Capitein ende
de Procureurs. \
Art. 89. Anno 1672. soo is geordineert, als dat niemant bij den Mees-
ter en mach gaen sonder den Capiteyn, ende de Procureurs, ende en sal
niemant mogen spreken, als die den Capiteyn sal commanderen, ende en
sal niet meer mogen seggen als hem gecommandeert en is, oft men sal het
op hem verhaelen.
Van met de Berechting te gaen.
Art. go. Ten selven tijde is geordonneert dat alle de Gesellen ghe-
houden sullen sijn met de Berechtinghe te gaen, het zij van Man ofte Vrouw,
als de weet in de Druckerije gedaen is, op de verbeurte van drij stuyvers,
ende oft iemant uiijt waere, oft daer geen weet van en hadde, sal daer van
geen breuck schuldich zijn.
? |
