| Full text |
— 65 —
Item, dat de Meester besorgen sal dat de leren, looghe, ende ander
reetscap van de druckers oft setters ree si, ende principalyck als si root en
swart drucken, op de verbuerte van een cruycxken als boven.
Item, dat de Meester onderhouden sal alle costumen der druckerien,
als van Copien, van Gans, van Versworen maendach, Vetten donderdach,
van Vastelavont, ende afgedaen leren tot profijt van der Cappellen also dat
behoort, wtghenomen dat deghene die de nyeuwe leren naeyt sal comen
heysschen afghedaen leren om de nyeuwe te stucken so veel als hy daer
toe behoeft, op de verbuerte van een Cruycxken.
Item, dat de leerionghen de ghesellen sal dienen, alsser anders niemant
en is, ghelyck in alle landen de maniere is, op de verbeurte van den brits,
ende correctie van de Meester.
Item, dat den leerionghen alle sondaghe de druckerie keeren sal, op
de verbeurte van den brits,
Item, dat den leerionghen hem niet stellen en sal teghen eenighe van
de ghesellen, oft na pruetelen, Îniurieren, oft toenamen, op de verbuerte
van den brits te hebben van den genen, diemen daertoe ordonneren sal.
Item, dat niemant den anderen slaen oft dreyghen en sal in de druckerie
in gramschap, op de verbeurte van een schellinck.
Item, dat niemant malcander worpen en sal met eenigerhande dingen,
oft sponcien onder yemant legghen, oft eenighe olie oft ander vuylicheyt
aen yemants dingen doen en sal, op de verbeurte van een cruycxken. (r)
Item, dat so wat in de druckerie ghedaen is, niemant buyten de druckerie
clappen en sal, op de verbeurte van een schellinck.
Item, dat niemant malcander iniurieren en sal met erren moede, op de
verbeurte van een cruycxken,
Item, so wie schijt als de ghesellen tsamen een cruycxken drincken,
sal verbeuren een cruycxken.
Item, dat de boeckbinders oft ionghers die daer niet te doen en hebben
inde druckerie niet comen en sullen, op verbeurte van den brits.
Item, dat gheen ionghers van den huyse oft eenighe ghesellen malcan-
deren eenighe toenamen oft iniurien segghen en sullen, oft achterclappen,
op de verbeurte van den brits,
(z) Dit artikel is doorgehaald en schriftelijk vervangen door het vol-
gende (onder aan het blad) : Item dat niemant malcanderen met generhande
ontydige vuijlicheit ofte snotte-bellen, oft oick an de muren oft elders wt
brookdronckenheit oft sponcien onder yemant leggen, oft eenige olie oft
ander vuylicheit aen yemants dingen doen en sal, op de verbeurte van een
cruycxken.
? |
