| Full text |
ie
vers, ende by voorder onghehoorsaemheyt van wt t'gheselschap der Dru-
ckerye ghebannen te worden.
2. Dat niemant en kyve, twiste, noch veel min yemant en schelde, te
nae spreke, slae oft smyte, ende oft wel (twelck verre sy) eenich gheschil
onder yemant mocht op rysen, t'selve sy strackx by rade van dandere ghe-
sellen, ende oock met last vanden Meester oft synen stadthouder (ist noot)
gheslist op ghelijcke boete.
3. Niemant en draghe buyten s’Meesters, oft syns stadthouders oorlof,
by hem selfs oft yemant anders eenige Copyen, Balleren (1), Proeven, Macu-
latueren, oft yet des aengaende wter Druckerye, noch en clappe buyten der
selver, oft verclare wat daer ghedaen oft geseyt wordt, op gelycke verbeurte.
4. De Meester sal de ghesellen in plaetse van Copyen, alle dry maen-
den beschencken met twee gulden over veghelycke Persse gheheel ghe-
wrocht hebbende : half, oft andersins nae beloop.
5. De setters haer voordeel ghenomen hebbende, sijn schuldich hen
Proeven in tijts, ende op een ghesette ure te leveren, op verbeurte van eenen
stuyver, ende te moeten verbeteren.
6, Dat den Premier van de Persse alle wercke dagen, smergens aan
t'werck sy tusschen den eersten Mey ende eersten Septembris ten vijf uren,
ende daer buyten ten ses uren, omme alles met ghestadicheyt toe te rusten,
ende dat dander nae gheleghentheyt op hun werck maecken te syn, op ver-
beurte van eenen stuyver, ende verbeteringhe. In voeghen dat niemant
eenighe werck-daghen, in heel of deel af en blijve, op ghelijcke pene, ende
ghehouden te sijn in de schade vanden Meester tot xx. stuyvers sdaechs,
ende t'versuym synder medewerckers elck tot x. stuyvers sdaechs : In sul-
cken verstande nochtans dat de ghesellen ghelijckelijcken, des weecx eenen
rust-dach onverbeurt moghen nemen, hebbende den Meester oft synen
stadthouder xxiiij. uren te voren daer van ghewaerschout.
7. Niemant en brenghe eenich volck op der Druckerye, dan met be-
lieven vanden Meester oft synen stadthouder, op verbeurte van ses stuyvers,
8. Noch soo en sal oock niemant wijn oft Bier op der Druckerye
mogen brenghen oft doen halen, op ghelijcke boete, sonder in desen te be-
grypen t'scherp-bier, twelck yeghelyck vry staet tot sijn nootruft met hem
te brenghen.
9. Die droncken oft by dranck is, en come niet op ter Druckerye,
noch in eenighe plaetsen van des Meesters huys, op verbeurte van x. stuyvers.
ro. Elck t'sy Setter oft Drucker is ghehouden de plaetse daer hy werct
ende ghewrocht heeft, te veghen, suyver ende reyn te houden, ende de vuyl-
(z) Balleder.
eol) nb olde ats
ze
ie
ie
ie
erde Ond St ds Te
PN a Î
? |
